الشروط والأحكام

١. الحساب والتسجيل

• التسجيل بيتم باسم الطالب الحقيقي بالعربي، وإيميل ورقم موبايل صحيحين، ورقم ولي الأمر للمتابعة.
• الحساب شخصي لطالب واحد بس — مشاركة الحساب مع أي حد تاني بتعرّضه للإيقاف من غير استرداد.
• الطالب مسؤول عن سرية بيانات الدخول بتاعته.

٢. الاشتراك والدفع

• الدفع بيتم عن طريق فودافون كاش أو انستا باي على رقم 01224042368 فقط — واتأكد إن اسم المستلم اللي بيظهر قبل التحويل: AHMED Y**** A****.
• الاشتراك بيتفعّل بعد مراجعة الإيصال والموافقة عليه من فريق المنصة.
• الاشتراك الشهري بيغطي حصص الصف الدراسي المشترك فيه لمدة شهر من تاريخ التفعيل، وبينتهي تلقائيًا لحد ما يتجدد.
• حجز الترم كامل بيتدفع مرة واحدة وعليه خصم خاص معلن في صفحة الدفع.
• أكواد الحصص الواحدة ليها عدد مشاهدات محدد ومدة صلاحية بيحددها فريق المنصة.
• للتحويل من خارج مصر: PayPal أو تحويل بنكي على الحساب المعلن في صفحة الدفع.

٣. سياسة الاسترجاع

• الاسترداد غير متاح نهائيًا — بعد تفعيل الاشتراك أو فتح المحتوى لا يمكن استرداد المبلغ المدفوع كليًا أو جزئيًا بأي حال.
• عشان كده بنوفر حصة تعريفية مجانية في كل صف — جرب الأول واتأكد إن الأسلوب مناسب ليك قبل ما تدفع.
• لو حصل خطأ في التحويل (مبلغ زيادة أو تحويل مكرر)، كلم الدعم فورًا قبل تفعيل الاشتراك وهنراجع الحالة.

٤. الحضور في السنتر (أوفلاين)

• الحضور أوفلاين متاح في سنتر الإمام حمزة — شارع البيطاش الرئيسي — بجوار مكتبة ديوان وكبدة الحرش — العجمي، الإسكندرية.
• الحجز والاستفسار على رقم 01224042368.
• طالب السنتر اللي بتفوته حصة بيقدر يعوضها أونلاين من المنصة بكود تعويض.

٥. المحتوى والحقوق

• كل المحتوى (فيديوهات، مذكرات، امتحانات، ملفات) ملكية فكرية خاصة بمستر أحمد يسري.
• ممنوع منعًا باتًا تسجيل أو تصوير أو تحميل أو إعادة نشر أي محتوى من المنصة بأي وسيلة.
• أي محاولة لاختراق حماية الفيديو أو مشاركة المحتوى بتؤدي لإيقاف الحساب نهائيًا مع حفظ كل الحقوق القانونية.

٦. الحصص اللايف

• لينك الحصة اللايف خاص بمجموعة الطالب — ممنوع مشاركته مع أي حد خارج المجموعة.
• لو فاتتك حصة لايف، بيتوفر تسجيلها على صفحة مجموعتك أو تقدر تطلب حصة تعويض من الدعم.
• مواعيد المجموعات بتتحدد بالتنسيق مع فريق المنصة وممكن تتعدل بإخطار مسبق.

٧. السلوك والاستخدام

• الالتزام بالأدب في التعامل مع فريق المنصة وزملائك في التعليقات والأسئلة.
• المنصة ليها الحق توقف أي حساب بيسيء استخدام الخدمة أو بيخالف الشروط دي.

٨. تعديل الشروط

ممكن الشروط دي تتحدث من وقت للتاني، وأي تعديل جوهري هيتم الإعلان عنه جوه المنصة. استمرارك في الاستخدام بعد التعديل معناه موافقتك.

٩. التواصل

لأي استفسار: واتساب 01555539386 أو موبايل 01224042368، أو من صفحة الدعم جوه المنصة.